Պաշտոնական կայք

14.08.2018

ՀՀ ԱԱԾ պատվիրակությունն աշխատանքային այցով Արցախի Հանրապետությունում էր

     Օգոստոսի 10-11-ը ՀՀ Ազգային անվտանգության ծառայության պատվիրակությունը՝ տնօրեն Արթուր Վանեցյանի գլխավորությամբ երկօրյա աշխատանքային այցով Արցախի Հանրապետությունում էր:

     Այցի շրջանակում ղեկավար կազմը պաշտոնական հանդիպում ունեցավ ԱՀ նախագահ Բակո Սահակյանի, ԱԱԾ և Պաշտպանության բանակի ղեկավար կազմի հետ:  

     Առաջնային նպատակ դիտարկելով գործունեության բացառապես հիմնավոր ծավալումը՝ կողմերը համաձայնության եկան առավել սերտացնել անվտանգության ոլորտում հայկական երկու պետությունների համագործակցությունը և նոր մեկնարկ տալ հնարավոր բոլոր ուղղություններով համատեղ ծրագրերին:

Մանրամասն…

 

11.08.2018

Բակո Սահակյանն ու Արթուր Վանեցյանը քննարկել են անվտանգության ոլորտում համագործակցությանը վերաբերող հարցեր

     
Արցախի Հանրապետության Նախագահ Բակո Սահակյանն օգոստոսի 10-ին ընդունել է ՀՀ ազգային անվտանգության ծառայության տնօրեն Արթուր Վանեցյանին:

     Հանդիպմանը, որին մասնակցում էր ԱՀ ԱԱԾ տնօրեն Սամվել Շահրամանյանը, քննարկվել են անվտանգության ոլորտում հայկական երկու պետությունների համագործակցությանը վերաբերող հարցեր:


 

09.08.2018

ՀՀ ՊՆ-ին ապրանքներ և սպառազինություն մատակարարող ընկերությունների նկատմամբ հարուցվել է քրեական գործ

     ՀՀ վարչապետի` կոռուպցիայի դեմ պայքարի գծով օգնականի կողմից հայտնած տվյալների և տրամադրված փաստաթղթային հիմքերի հիման վրա ՀՀ  ԱԱԾ ռազմական հակահետախուզության գլխավոր վարչությունում նախապատրաստված նյութերով ՀՀ ԱԱԾ քննչական վարչությունում հարուցվել է քրեական գործ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետի հատկանիշներով (առանձնապես խոշոր չափերով յուրացում)։

Մանրամասն…

 

09.08.2018

Խորանում է համագործակցությունը Մեծ Բրիտանիայի և Հայաստանի իրավապահ մարմինների միջև

     ՀՀ Ազգային անվտանգության ծառայության տնօրեն Արթուր Վանեցյանն ընդունեց ՀՀ-ում Միացյալ Թագավորության արտակարգ և լիազոր դեսպան Ջուդիթ Մարգարեթ Ֆարնուորթին:
     Ողջունելով դեսպանին՝ տնօրենը հույս հայտնեց, որ ճանչողական այցի շրջանակում ավելի կամրապնդվի համակարգի և դեսպանության հետ համագործակցությունը՝ ի նպաստ երկու երկրների:
     Անդրադառնալով վերջին շրջանում Հայաստանում տիրող իրավիճակին և փոփոխություններին՝ Ա. Վանեցյանը նշեց, որ կոռուպցիայի դեմ տարվող պայքարը նոր կառավարությունում առաջնային տեղ է զբաղեցնում և տարվող աշխատանքների արդյունքում արդեն իսկ  կան ձերբակալություններ: 
     Դեսպան Ֆարնուորթը շնորհակալություն հայտնեց ջերմ ընդունելության համար և նշեց, որ Մեծ Բրիտանիայում հետևում են Հայաստանում տեղի ունեցող զարգացումներին և պատրաստ են սատարել Հայաստանին՝ ընթացիկ բարեփոխումների անցկացման, ժողովրդավարության և օրենքի գերակայության հաստատման հարցում: Դեսպանը ողջունեց նաև երկրում կատարվող բարեփոխումները և շեշտեց, որ ցանկացած երկրի համար կարևոր է դատական համակարգի արդար մոտեցումը: 

Մանրամասն…

 

09.08.2018

ՀՀ ԱԱԾ Սահմանապահ զորքերը կայացած ռազմական կառույց է. տնօրեն Ա. Վանեցյան

     Օգոստոսի 8-ին ՀՀ ազգային անվտանգության ծառայության տնօրեն Արթուր Վանեցյանն այցելեց ՀՀ ԱԱԾ Սահմանապահ զորքերի վարչական համալիր:
     Այցի նպատակն էր տեղում ծանոթանալ աշխատանքային ընթացքին, ղեկավար կազմի հետ քննարկել նախորդ վեց ամիսների կատարված աշխատանքները:
     Սահմանապահ զորքերի հրամանատար, գնդապետ Վաղինակ Սարգսյանը ներկայացրեց կիսամյակային հաշվետվությունը, անդրադարձավ առկա խնդիրներին:
     Հաշվետվությունը և ընթացիկ կազմակերպչական աշխատանքների վերաբերյալ զեկույցները լսելուց հետո ծառայության տնօրենը նշեց իր դիտողությունները և հանձնարարեց հնարավորինս սեղմ ժամկետներում կատարել համապատասխան շտկումներ:

Մանրամասն…

 

08.08.2018

Մարտի 1-ի գործով կատարված խուզարկությամբ հայտնաբերվել է մեծ քանակությամբ զենք և ռազմամթերք

     ՀՀ հատուկ քննչական ծառայության վարույթում գտնվող, 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած դեպքերի վերաբերյալ քրեական գործի շրջանակներում ՀՀ ազգային անվտանգության ծառայության աշխատակիցների կողմից իրականացված օպերատիվ-հետախուզական միջոցառումների արդյունքում տվյալներ են ստացվել, որ ՀՀ նախկին վարչապետ Հովիկ Աբրահամյանին փաստացի պատկանող, Ամբիկ Գևորգյանի անվամբ ձևակերպված` ՀՀ Արարատի մարզի Մխչյանի նախկին մեխանիկա-վերանորոգման գործարանում ապօրինի պահվում է մեծ քանակությամբ զենք և ռազմամթերք:(Տեսանյութ)

Մանրամասն…

 

Այլ նորություններ...